Nazreen Fazal kamyaab shadi ke liye Hadayat ideas of marriage

Social Media ki Website Facebook par aik indian khatoon ne kamyaab shadi ke liye Hadayat ki aik fehrist jari ki hai jisay itni ziyada pazeerai mili ke ab taq do hazaar se ziyada sarfeen usay apne apne safhaat par share kar chuke hain.

kamyaab shadi ke liye kya karna chahiye aur kya nahi karna chahiye ke unwan se yeh fehrist Nazreen fazl ne post ki thi jo aik saal se apne shohar ke sath Saudi arab ke shehar Riaz mein reh rahi hain.

Nazreen kehti hain ke un ki shadi mohabbat ki shadi nahi balkay aik arranged marrage hai aur unhon ne shadi se pehlay hi apne mustaqbil ke shohar se tamam mamlaat par khil ke baat karna shuru kar di thi.

ideas of marriage author with husband

jab mere shohar Ameen se mera taaruf karaya gaya to isi din mein ne unhein apna aik taaruf likh kar bheja jo do safhon par mushtamil tha. pehlay mein ne unhein bataya ke mein kon hon aur phir yeh bataya ke mein apne mustaqbil ke saathi mein kya dekhna chahti hon.

is ke baad aik haftay ke andar andar dono ke darmain taqreeban 80 e mails ka tabadlah sun-hwa.

Nazreen ke bakol hum koi flrt nahi kar rahay they aur nah hi koi halki phlki gup ship. balkay hamaray darmain jo e mails chal rahi theen, un mein hum nihayat sanjeeda mamlaat par aik dosray se behas kar rahay they. zindagi mein hum dono ki tarjeehat kya hain? chand saal baad hum dono khud ko kahan dekhte hain? aik jeevan saathi se hum dono ki apni apni tawaquaat hain kya? waghera waghera.

Nazreen London shool of economics ki parhi hui hain aur un ka talluq janoobi India se hai. woh tasleem karti hain ke taaruf hotay hi unhon ne Ameen par bombari shuru kar de aur aik aik sawal ka jawab maangna shuru kar diya tha.
aap khawateen ke mulazmat karne ko kaisa samajte hain?

aap ke khayaal mein zayad-ti ka matlab kya hota hai?

agar aap chahtay hain ke bachay hon, to yeh bachay kab honay chahiye?

News se baat karte hue Nazreen ka kehna tha ke yun aap jo bhi sawal puchtey hain is se aap ko dosray shakhs aur is ki duniya ke baray mein mazeed pata chalta hai.

aap jitne ziyada sawal karen ge, itna hi acha hai, bashart e kay aap ke sawal durust hon. achay sawal poochnay ke liye zurori hai ke aap ko apne baray mein bhi pata ho, ke aap khud kya chahti hain? woh kya cheez hai jis ke baghair aap reh sakti hain aur aisi cheeze kon si hain jo aap ke liye nihayat zurori hain. chahay woh aap ki mulazmat ho, aap ka mazhab ho, ya zindagi ke baray mein aap ki soch ho.

agarchay Nazreen ne hamein yeh nahi bataya ke un ke shohar ke jawabaat kya they, lekin un ka kehna hai yeh jawab wohi they jo mein sunna chahti thi.
Facebook par kayi logon ne Nazreen ki post ko nah sirf pasand kya balkay usay apne doston ke sath share karte hue un par bhi zor diya ke kamyaab shadi ki un Hadayat ko ghhor se parheen. kayi sarfeen ka khayaal tha ke Nazreen ke tajarbay se faida uthatay hue kayi khawateen baghair sochay samjhay kisi rishte mein jurne se bach sakti hain.

syed Asad abbas naqvi ne apne tabsaray mein likha ke is se kisi ko faida ho sakta hai. is se aap aisay shakhs se bach satke hain jis ke khayalat aap se nahi mlitay.

lekin deegar logon ka kehna hai ke kayi cheeze aisi hain jinhen Nazreen ne apni fehrist mein shaamil nahi kya. maslan Hafiz Aziz ne likha ke aap shadi se pehlay jitne sawal chahain kar len, aakhir-kaar shadi aik bohat bara jُwa hi hota hai.

kayi logon ne yeh bhi kaha ke Nazreen Fazal aur Ameen ke darmain e mails se lagta hai ke ziyada tar sawalaat Nazreen ki janib se hi ho rahay they.

Naveed Ahmed syed ke bakol chahye to yeh tha ke aap par bhi salawon ki bombari hoti. aap apne shohar ke liye kya karen gi? kya aap apne ghar ka khayaal rakhen gi ?

India mein ziyada tar shadian walidain aur khandan walay tey karte hain aur kuch andazon ke mutabiq malik mein 90 feesad se ziyada shadian arranged hoti hain. taham Nazreen kehti hain ke un ke mashwaray un logon ke liye bhi mufeed hain jin ko achanak hi koi mil jata hai aur woh is se shadi karna chahtay hain.
un ke bakol unn maashron mein Talaq ki sharah bohat ziyada hain jahan log apne mustaqbil ke saathi khud hi talaash karte hain. mere khayaal mein is ki aik wajah yeh hai ke wahan log aik dosray ki tarjeehat ko samajh nahi paate aur yun rishte toot jatay hain.

Nazreen kehti hain ke is mein koi shak nahi ke waqt guzarnay ke sath sath aap badal jatay hain, lekin kuch cheeze aisi hoti hain jo aap ke liye hamesha ahem rehti hain. hum zindagi mein deegar faislay karne ke liye waqt sirf karte hain. maslan kis university mein jana chahiye, kya kaarobar karna chahiye. mera khayaal hai ke hamein apne romanvi taluqaat ke liye bhi isi qisam ki tahaqeeq karni chahiye aur aisay faislay bhi bohat soch samajh kar karne chahiye.

I am Mary Emma born in 1996 and have been working as a full-time blogger since 2010. The socio-familial context led me to the area of Sciences and universe attending the Astrology course. But her philosophical inclination inclined her to the territory of Astrology, Psychology.