Panama leaks par PM jawab dain ge tab parliament jaoon ga, Imran Khan

Chairman Pakistan Tehreek Insaaf (PTI) Imran Khan ka kehna hai ke Nawaz shareef ewaan mein jawab dainay ke paband hain. lehaza jab taq Nawaz Sharif parliament mein aakar panama case par jawab nahi dete tab taq mein ewaan mein nahi jaoon ga.

Lahore mein media se baat karte hue Pakistan Tehreek Insaaf (PTI) ke sarbarah Imran Khan ka kehna tha ke dehshat gardi pooray country mein kam hogayi hai lekin hukoomat dehshat gardi khatam karne ki commitment poori nah kar saki jab ke justice Faiz eesa ki report hukoomat ki karkardagi par sawalia nishaan hai, Wazir Dakhla ko is muamlay par ewaan mein nah sirf apni safai paish karni chahiye balkay istifa dena chahiye. un ka kehna tha ke dehshat gardon ko kisi soorat bardasht nahi kya jaye ga jab ke dehshat gardon ke khilaaf karwai ka sehra sirf Pak Army ko jata hai.

imran khan speaking

Imran Khan ne kaha ke parliament ka kaam awaami mafadaat ka tahaffuz karna hai aur Nawaz shareef ewaan mein jawab dainay ke paband hain lekin agar wazeer e azam jwabdeh nahi to parliament ka kya kaam hai.
Wazeer e azam parliament nahi jatay to is ki ahmiyat hi khatam hojaye gi, khwaja Asif parliament mein kehte hain ke Nawaz Sharif fikar nah karen yeh log bhool jayen ge to is ke baad parliament ki kya ahmiyat reh jati hai. un ka kehna tha ke jab taq Nawaz Sharif panama case par parliament mein aakar jawab nahi dete tab taq mein ewaan mein nahi jaoon ga kyunkay mein parliament mein speech suneney nahi jata, money laundering sab se bara jurm hai aur wazeer e azam ne arbon ki money laundering ki khatir jhoot bola aur hum parliament mein Nawaz shareef se jhoot ka jawab lainay aeye hain.

Imran Khan ka kehna tha ke Khurshid Shah ne parliament mein bhi kaha ke ta-assur yeh hai ke jo naye cheif justice aeye hain un ki kuch hamdardi Noon League (PML N) se hai aur aik taassur yeh bhi ja raha hai ke fouj mein jo tabdeelian huien hain yeh bhi Noon League (PML N) ke liye hain.
Mein aik cheez wazeh karna chahta hon ke mein nahi jaanta ke is mein sadaqat hai ke nahi lekin mein itna zaroor jaanta hon ke jab Maryam Nawaz tweet karti hai ke aandhi nikal gayi hai, aik barri aandhi aa rahi thi kayi darakht gir gaye lekin tanawar darakht kharray reh gaye hain to is ka kya matlab hai, yeh khud aisa ta-assur qaim kar rahay hain ke koi tabdeeli aisi aagai hai ke jo un ke liye mozoon hai.
un kehna tha ke case abhi sprim court mein hai to aandhi kaisay nikal gayi hai, sirf naya army cheif aur cheif justice aeye hain to aap kya pegham day rahay hain, yeh khud ta-assur day rahen ke army cheif aur cheif justice un ki pasand ke aagaye hain lehaza yeh ta-assur bohat ghalat hai kyunkay yeh ta-assur idaron par awam ka aetmaad kamzor kar raha hai.
Imran Khan ne kaha ke mein Ayaz Sadiq ko speaker nahi maanta jab ke mein ne koi u turn nahi liya yeh sab siyasi harbe hotay hain, logon ko u turn ka matlab hi nahi pata bahar jane ke baad muahiday ka aitraaf karna u turn hai lekin mein to apne muaqqaf se nahi hata.

I am Mary Emma born in 1996 and have been working as a full-time blogger since 2010. The socio-familial context led me to the area of Sciences and universe attending the Astrology course. But her philosophical inclination inclined her to the territory of Astrology, Psychology.