SEO of WordPress blog all steps Hindi Urdu

WordPress Blog ki SEO kesay karain

Aisi Site ya wordpress blog create karna jisko search engines na sirf love karain balke us ko achhi rankings bhi dain bohat asaan kam nahi hai. Is par kafi time lagta hai. Laikin SEO ki value ko ignore kar ke app apna waqt zaya na karain. Kyonke is ke begahir koi bhi ap ki site ko talash nahi kar sakay ga. Aur jo app sakhat mehnat kar ke content write kar rahay hain wo bhi waste honay ke chances barh jayen ge.
Aur ye he meri is post ka main point hai.

Isiliye yahan hum best SEo tips ko app ke sath share kar rahay hain take is SEO list ko istemaal kar ke app search engines me ek behtar jaga hasil kar saktay hain. Is se na sirf ap ke blog ke readers ziada hon ge, uske sath he wo ap ke blog ko subscribe bhi karain ge.

seo of wordpress blog

1- Website ko Behtar Banana

(i)- Website par ghoomana (navigation) ko easy banaien

Chand lamhaat ke liye apnay ap ko site ka reader samjhtay hoye sochain or dekhain ke kia ap ki site par chlana yani navigate karna easy hai ya mushkil. Kia apni site par ja ka app ye easily samjh jatay hain ke ye kis topic se mutaliq hai. Ye yakeen kar lain ke app ke main keywords ap ki site main present hain ya nahi. Apki site ke main page par website se taluq rakhnay walay keywords lazzmi majood honay chahyen. Agar apki site ya blog ki navigation clear hogi to search engines issay easily samjh jaien ge aur is tarah ranking bhi increase ho gi.

(ii)- Achhi Hosting ko choose karain

Blog or website ki hosting Search engine rankings pr bohat asar andaz hoti hai. But hosting achhi na ho to visistor or reader ko pasand nahi aye gi aur is tarah se baray search engine e.g Google, Bing me bhi site ke slow or less responsive ki waja se ranking down ho sakti hai. Visitors jo app ki site par attay hain wo bhi slow loading site ki waja se upset ho jaein ge or ho sakta hai wo is site ko dobara visit he na karain.

(iii)- Blog or Site Must be Mobile optimized

New research ke mutabiq desktops ki nisbat mobile ke visitors barhaty chalay ja rahay hain. Kyonke aj kal technology ke is era me smart phones ki bharmar hai. Aur taqreeban 80% public ki internet tak reach hai. Agar ap ki website mobile optimized nahi ho gi to app boaht he nuqsaan me hoon ge. Kyonke apne traffic ka ek bara hisa kho diya hai. Big search engines ke mutabiq jo sites mobiles par behtar andaaz me open honn ge unki rankings (Darja Bandi) bhi behtar ho gi. Site ya blog ko Google ke mobile optimization test par check kia ja sakta hai.

(iii) WWW or Non WWW

Is baat ka yakeen kar lain kea p ki site www ke sath zahir ho ya www ke beghair. Agar ap ne is ki setting na ki to ye search engine ke index me achhi quality ka izhar nahi kar sakay gi.

(iv) Content ko User ki Samjh ke Mutabiq Banaien

Apnay visitors or readers ke baray me sochain aur content ko is tarah manage karain ke users apki baat ko easly samjh sakain. Above the fold matlab wo hisa jo aik view me nazar aa raha hota hai us par Apke article ka title, introduction aur is topic se related keywords honay chahyen.

(v)- Less ads in Above the Fold

Apni site ke is hisa me kam se kam ads rakhain take visitors ko original content aur advertisement me difference ka pata ho, or unhain kisis pareshani ko face na karna paray.

2- Website or Blog ko Speedup karain

(i)- Homepage ki speed Increase karain

Full post homepage par display karnay ki bajaye sirf is ka mukhtasir hisa zahir karain. Featured post ki tedad ko kam he rakhain, or ghaer zaroori plugins ko bhi main page par istemaal na karain. Widgets content ko show karanay me eham hain laikin koshish karain ke ye bhi Home/Main page par kam he use hoon.

(ii)- Lazyload images ko Use karna

Lazyload sirf wo images dikhata hai jo ke screen hamaray samnay hoti hai, jesay he ham site par necchay jatay hain to phir neechay wali images show karta hai. Ye islye important hai kyonke istarah se hamaray page ka loading time kam ho jata hai aur site quickly load ho jati hai.

(iii)- Caching Plugin Installation for Speed and Load time

Caching plugins apki site ke tamaam elements ko aarzi toor par server ki Hardisk me save kar leta hai take phir se koi visitor is page pr aaye to ussay jaldi se content show kar de. e.g Jesay hamar desktop hota hai us par kisi saved files ka folder hota hai laikin is is ka icon hamaray desktop pr hota hai ham ussay easily navigate kar letay hain. But agar icon na ho to hum drive ko open kar ke program ko access karain ge jo ke time consuming process ho ga. Caching plugin ka faida ye hai ke hamari site tezi se load ho gi.

(iv)- Importance of Content Delivery Network (CDN)

CDN ke importance kisi bhi blog or site ki speed ke liye bohat zaroori hai. Ye apki site ke static files ko collect kar leta hai aur is ke servers pori dunya me paye hatay hain. Website ki static files i.e. javascript, images, CSS etc. hoti hain. Pori dunya me servers honay ki waja se jab koi visitor site par aata hai to us ko nazdeek walay sever ke zarye site dikha de jati hai aur is tarah site ki loading taiz hoti hai.

(vi) Files ko combine karna

HTTP requests jo ap ke page par hoti hain, plugins ki waja se wo ziada ho jati hain. Jo ke webpage ki loading me rukawat ka bias banti hain. IS liye ap kisi achhay caching plugin ka use karain aur is me shamil option ko use kar kea p http request ko kam kar sakatay hain.

(vii) Using GZIP Compress your Webpage

GZIP ka use kar kea p apni files ko compress kar saktay hain. Aur apki loading speed bhi fast ho sakti hai.

(viii) Image Size

Image size ka khaas khayal rakhiain kyonke bohat bari images hoon gi to page ki Loading speed me wazeh kami aye gi.

3- Get Links from other Websites

(i)- Always write quality Content

Agar visitors aap ki content se love karain ge to wo ap ke article ko share karain ge. Logon ke share karnay se he pata chalta hai ke readers ko ap ka content pasand hai ya nahi. Islye koshish kar karain unique aur quality content se site ko agay barhaein.

(ii)- Love your Niche people

Apnay niche yani blogging topic ke logon se pyar karain unke blogs par comment karain aur topic se mutaliq questions karain take ap unko apni site ki janib attract kar sakain. Or is tarah apko backlinks milnay ke chances bhi barh jatay hain.

4- Effective Use of Social Media

Social media apki site ki ranking or traffic par bohat ziada asar andaaz ho sakta hai. Kyonke ye bari tezi se apke content ko bohat se logon ke samnay paish kar deta hai. Aur iski waja se apke backlinks bhi increase kar jatay hain.

(i) Increase Social Media Followers

Social media ki dunya me important kaam apnay followers ko barhana hai. Jesay jesay ap ke followers barhaty jaien ge wesay he apko apnay blog or site par ziada se ziada traffic milti chali jaye gi aur loog apki site ko pasand karain ge. Followers ko increase karnay ke liye illegle methods ko use na karain balke quality content hoga to ye automatic he barhatay chalay jaein ge.

(ii) Easy sharing options on Website

Is baat ka khial rakhain ke apki site par share karanay ke buttons majood hain. Take jab bhi koi visitors apke article ko pasand karta hai to wo easily usko social media site par share kar sakay.

5- Write Quality Content and Optimize it

(i)- Keywords ko Start me Use karain

Behtar ye hai ke post ke start me yani first paragraph me keywords ka use karain. Is tarah Google aur dosray search engine ko ap ke page ke baray me pata chal jaye ga ke kis topic ke mutaliq hai aur wo isay sahih jaga dikha sakay ga.

(ii)- Fully Keyowrd Use

Keywords ki waja se Google search ap ke content k relation banata hai. So, jahan tak mumkin ho sakay khas jaghon par keywords ka use karain. Apnay blog ke content me, links mein aur url me.

(iii)- Avoid Overdosing of Content Keywords

Please ye yaad rakhain ke bilawaja bohat ziada keywords ko baar baar ne likhain. Is tarah se ap ka page na to search engines ko pasand aye ga aur na he visitors jo kea p content me interest rakhtay hain is type ki keyword littering ko like karain ge.

(iv)- Write your best and Unique Content

Jitna achha aur ziada content ap site me dalain ge utna he ziada ap ki search engines me ranking behtar ho gi. Search engines issi liye new content ko pasand kartay hain kyonke wo har waqt unique (Umdah) content ki search me hotay hain.

(v)- ALT attribute in images

Your images must have keywords in their alt attribute. Kyonke search engines sirf text ko samjh saktay hain. isi attribute ke zarye unko pata chalta hai ke ye image kis chees ki hai.

(vi)- Url of the Posts

Google me behtar optimization ke liye apni posts ke urls ko ziada bara na honay dain. Url ke pehlay 2-3 words me ap ka keyword hona chahye. Is tarah search engines me apki ranking mazeed theek hoti jaye gi.

(vii)- Write longer posts

Jitni long post ho gi utna he SEO me importance milay gi. Koshish kar ke one thousand se two rhousand words ke darmiyaan tak posts likhain. Laikin content ki quality bhi achhi rahay. Longer posts me content bhi achha hona chahye. Agar content acha nahi ho ga to koi bhi apki post ko like nahi karay ga.

6- More SEO Tips for WordPress Site/Blog

(i)- Sitemap is essential

Sitemap ki waja se Search Engines apke pages aur posts ko easily dhoond letay hain. Agar ap sitemap banana chahtay hain to is ke liye ap ko koi aik plugin use karna paray ga. Jab aik baar sitemap ban jaye to ap issay Big search engines par sumbit kar dain, youn SE easily apke content ko samjh sakain ge aur index kar sakain ge.

(ii)- Importance of Google Webmaster Tools

Ye tool apki bohat ziada madadgaar sabit ho sakta hai. Ye apke content aur pages, HTML, Titles ki report apko fraham kerta hai. Ap ko batata hai ke kis keyword ki Google Search me ranking kia ayi hai aur ap ne kitnay impressions hasil kiya hain. Site me anay walay errors ke baray report deta hai aur agar ap apni post ko jaldi index karwana chahtay hain to is me bhi ap ko support karta hai.

(iii)- Use Google Analytics Feature

Apni site ki traffic ke pata rakhnay ke liye Google Analytics tracking code ko apni site me zaroor dalain. Ye kaam ap kisi popular plugin ke zarye bhi kr saktay hain.

(iv)- Broken Links are bad for SEO

Broken links se murad apki site ke wo backlinks jo ab work nahi kar rahay. e.g. Ap ne aik post write ki aur us ko social media pr share kia agar koi link kaam nahi kar raha to wo broken link hoga. Search engines in links ko like nahi kartay aur ranking kam honay ka khadsha rehta hai.

(v)- Comments

Apke readers posts par comment kartay hain. aksar looh spamming ke zarye comments ko sirf backlinks ke liye use kartay hain. Aeisay comments par nazar rakhain aur in ko foran delete kar dain. Users ke achhay comments ke answer dain aur visitors ki help karain. Take jo aik baar apki site aa jaey to wo dobara zaroor aye.

I hope ke ye post apki SEO techniques ko samjhany me help karay gi. Issay friends ke sath zaroor share karain. Agar koi question ho to comment zaroor karain.