How to start blogging Full Hindi Urdu

Blog kesay start karain

Kia ap aik blog start karna chahtay hain? Lain phir aap bilkul sahih jaga par aye hain
Is post mein me ap ko un bunyadi baton ke baray me bataon ga jo ke aik blog ko start karnay me helpful hon gi. Is ke sath he chand aisay questions ke jawab denay ki koshish karon ga jo kisi bhi naye Blogger ke zehan me blog shuru kartay waqt aatay hain.
Blog ko start karnay ki bohat se wajuhaat (reasons) ho sakti hain. Laikin sab se basic mushkil jo ke aik Blogger ke samnay aati hai wo yeh hai ke Blog start kesay kia jaye?
Blog Start Karnay ke Aasan Steps darj zail hain jin ki Ap ko zaroorat(Need) ho sakti hai.
1- apnay Blog ke liye aik Achha platform choose karain
2- Behtreen Domain Name aur Hosting Hasil Karain
3- Blog ko tarteeb dain (Configuration)
4- Blog ka Khoobsorat Design banayen
5- Blog Readers ke liye interesting aur useful content Tashkeel dain

start new blog
Main Umeed karta hoon key eh sab steps ap ke Blog ko bnanay me bohat ziada madad gaar sabit ho saktay hain.

First Step: Choose karain Blogging Platform

Blogging platform aik aisa aala hota hai jo ke aap ke content ko online publish karnay ki services fraham karta hai. Aik new Blog shuru karnay ke liye aap ko Blogging platform ki zaroorat pesh aati hai. Laikin Main aap ko sirf WordPress use karnay ki advice karta hoon kyonke WordPress as waqt tak sab se Popular Blogging platform hai. Is ki wajah yeh hai ke
1- Ye istemaal ke liye totally free hai.
2- Is ko setup karna yani pehli baar use karanay ke qaabil banana bohat easy hai.
3- Yeh Kayi saalon (Years) se aik powerful aur secure system hai.
4- Pori Dunya me aap ko is ke design and configuration ke liye easily developers mil jatay hain.

Second Step: Best Domain Name aur Hosting Hasil Karain

Is step me aap ko blog start karnay ke liye domain name ki zaroorat parti hai. Domain name se muraad aap ki website ya blog ka url address hai. e.g. Google ka url address google.com hai.
Domain name choose kartay waqt in baton ka khayal rakhna chahye
Public Nuqta Nazar se: Hamesha aik aisa domain name select karain jo public yani awam aasani se yaad ker sakain. Aur assani se dosron ko bta sakain.
Url ki Infradiat: Aap ke domain name me aik infradiat honi chahye. i.e. Yeh aisa hona chahye jo pehlay internet per use na howa ho.
SEO ke lihaaz se infradiat: Achhay words per mushtamil ho ap ke content and topic se mutalqa ho. Kyonke is tarah aap Google search me aala muqam hasil kar saktay hai.
Law and Legal Infradiat: Ap apni company ke copyright aur trademark se mutaliq factors ko zehan me rakhntay hoye Domain name choose karain.
Blogging start kartay howe ap ko domain name ki chand dollars fees pay karna parti hai.
Blog ke liye Hosting Kharidna
Blog ko online publish karnay ke liye is ki Hosting ki need (zaroorat) hoti hai. Blog ki hosting ap in hosting providers se hasil kar saktay hain
1- Hostgator
2- Blue Host
3- ScalaHost etc.
In ke ilawa bhi beshumar hosting ki companies hain. But ap is baat ka dahyaan rakhain ke Hosting company ap ki needs ke mutabiq ap ko sevices de rahi hai. is me beshumar factors hotay hain. e.g Uptime, site loading speed, economic etc.

Third Step: Blog ka setup (Kaaim) karain

Hosting purchase karnay ke baad ka step yeh hai ap blog ko start karnay ke liye WordPress ko install karain. WordPress ko install karnay ke bhi stpes hain.
Wordpress kesay install karain
Aik baar jab ap is step ko muqamal kar letay hain. to ap ka blog start ho chuka hai. ab aap is pr apni posting aur content likhna start kar saktay hain. Mubarik Ho app apni site/blog bna chukay hain.

Fourth Step: Blog ki tarteeb (configuration) aur Designing Karna

Agar ye aap ki WordPress se pehli mulaqaat hai to aap wordpress ke dashboard ko daikh kar hairaan hon ge.
Ap is ke baray me upset na hon ap jald he is ko samjh lain ge.
Wordpress ki importance is liye bhi bohat ziada hai kyonke yeh app ko plugins install karany ki saholat deta hai.
Blog ka Design Kesa ho? Laazmi Sochain
Aik important baat yeh hai app ko apnay blog ke design ke baray me sochna chahye. Kyonke yeh design he hota hai jo ke app ke readers and visitors ko pehla impression deta hai. kisi ne kia khoob kaha hai “First impression is the last impression”. Hamesha wo design choose karain jo ke logon ko app ke blog ko samjhanay me madad de.
Meri suggestion yeh hai apnay blog ke liye hamesha premium themes ka istemaal karain. Premium themes se murad wo themes hain jo ke app ko purchase karni parti hai laikin yeh app ke blog ko secure, SEO power aur loading time fast deti hai.
Design ka Step kuch mushkil step hai. Laikin app is ko mukamal toor par khud he kar saktay hain. is ke liye app ko ho sakta hai ke Google search se help leni paray. Laikin mera yakeen karain ap yeh sara khud kar saktay hain.
App is ke liye kisi developer ki help bhi le saktay hain jo app ki theme istall karany aur is ki configuration karnay me app ki help kar sakta hai.
Start ke dino me app design ki ziada tension na lain. Laikin aahista aahista is ko sanjhnay ki koshish kartay rahain. Kuch arsay me app is qabil ho jaye ge ke sara work khud kar sakain.

Fifth Step: Blog Readers ke liye useful content create karna

Apnay blog ke liye domain, hosting buy karnay, WordPress install aur designing ke liye premium theme install kar ke, Mubarik ho app new blog start kar chukay hain. ab app ko content write karnay ki zaroorat hai. Me app ko nahi bta sakta ke first post me ap kia likhain. Laikin Blog start kartay hoye yeh pages zaroor create kar lain.
(i) Contact us (Readers ke saath communication ke liye)
(ii) About Us (apnay kaam aur passion, company ke baray me)
(iii) Privacy Policy
Is ke baad new posts likhtay jayen kyonke ap ka blog online ho chukka hai.

Agar App ko meri is post se koi help mili hai ya app ka koi question hai to app comments me baat kar saktay hain.

I am Mary Emma born in 1996 and have been working as a full-time blogger since 2010. The socio-familial context led me to the area of Sciences and universe attending the Astrology course. But her philosophical inclination inclined her to the territory of Astrology, Psychology.